ARGITALPEN INTERESGARRIAK
Zer aurkituko duzu hemen?
Liburuak:
Libro digital V Encuentros Generar Cultura. 2024.
LO QUE VENDRÁ
Libro digital IX Encuentros Generar Cultura. 2023.
POR UN FUTURO SALUDABLE
Libro digital VIII Encuentros Generar Cultura. 2022.
EL NUEVO VALOR DE LA CULTURA
Libro digital VII Encuentros Gestionar Cultura. 2021.
PÚBLICOS Y TERRITORIO
Libro digital IV Encuentros Gestionar Cultura. 2020.
CULTURA, NAVARRA y AGENDA 2030
Libro digital VI Encuentros Gestionar Cultura. 2019.
DE LA GESTIÓN A LA MEDIACIÓN CULTURAL
II FEAGC Jardunaldiak:
Nafarroako Foru Komunitateko Aisialdi Hezitzailearen eta Animazio Soziokulturalaren Sektorearen Hitzarmen Kolektiboa 2023tik 2026ra. (2024).
25C/2024 EBAZPENA, otsailaren 6koa, Ekonomia Sozialeko eta Laneko zuzendari nagusiak emana; honen bidez erabaki da Nafarroako Foru Komunitateko Aisia Hezitzailearen eta Animazio Soziokulturalaren Sektorearentzako 2023-2026 aldirako Hitzarmen Kolektiboa erregistratu, gordailutu eta Nafarroako Aldizkari Ofizialean argitaratzea (47. NAO, 2024ko martxoaren 5ekoa).
Kultur kudeaketa laguntzeko Atalaya Eskuliburua.
Prozesu orok, emaitza orok, aurrekariak ditu, eta kultur kudeaketari laguntzeko ATALAYA ESKULIBURU hau ez da salbuespena.
2014an argitaratu bazen ere, 2004an du jatorria. Urte hartan, izan ere, “Periférica Internacional. Revista para el análisis de la cultura y el territorio” argitalpena prestatu zen, Cadizko Unibertsitateko egungo Kultura Errektoreordetzako Unibertsitate Zabalpeneko Zerbitzuaren eskutik, eta Kontseilu Editorialaren barnean, kultur kudeaketari buruzko eskuliburu bat garatzeko ideia finkatu zen.
Proiektua bere garaian bide onera iritsi ez bazen ere, urte batzuk geroago, Andaluziako Juntak finantzatutako Atalaya Proiektuaren Kultur Behatokiaren bultzadari esker, hura aurrera atera zen.
Eta hementxe dago Eskuliburu bizi eta ireki baten azken bertsioa, datozen urteetan kultur lurraldean izanen diren aldaketak eta eraldaketak islatzen jarraitzea espero duena.
2020ko Erromako Gutuna. Bizitza kulturalean askatasunez eta osoki parte hartzeko eskubidea.
Gu, jendea, hiria gara. Gure sinesmen, balio eta jarduera sortzaileen bidez -gure kultura- harrizko eta ametsezko hiriari ematen diogu forma. Onerako edo txarrerako, gure iruditeria indibidual eta kolektiboaren haragitzea da. Gure hiriak lagundu behar du biztanle bakoitzak bere giza potentziala garatzen, kide den komunitateei ekarpena egiten.
Kultura balioen adierazpena da, baliabide komun eta berriztagarria, batzuk besteekin harremanetan jartzen gaituena, eta horren bidez ikasten dugu zerk batzen ahal gaituen eta nola landu espazio partekatu batean dauden desberdintasunak. Desberdintasun horiek badaude, bai kulturen barnean, bai kulturen artean. Aitortu eta onartu egin behar dira. Hiri inklusibo, demokratiko eta jasangarri batek prozesu hori ahalbidetzen du, eta horren bidez ere indartzen da. Kultura sormen tailerra da eta, haren bidez, herritarrek gure irudikatu dezakete zer erantzun eman denok ditugun erronkei. Batzuetan irtenbide bat da, beste batzuetan irtenbideak aurkitzeko bidea.
Erromako Gutuna une ilun eta ziurgabean argitaratu zen. COVID-19ak eragindako krisiak pentsarazten digu gaur egungo garapen ereduak eta horien oinarrizko suposizioak birplanteatu egin behar direla. Era berean, erakusten digu demokrazia kulturalaren egiazko espiritu batek eredu berriei eman behar diela forma, inklusiboak eta jasangarriak izan daitezen. Gutuna promesa bat da Erromako herriarentzat, bai eta munduko hiri guztientzat ere. Gure kultura komunak eta dinamikoak eredu berrien definizioaren erdigunean kokatzea ez da erraza izanen, baina horrelaxe berreskuratu eta berreraikiko ditugu gure bizitzak, elkarrekin.
Kulturaren aldeko Ituna (2010)
Kulturak funtsezko zeregina du gure ongizate-gizartearen etorkizunean, eskubide gisa eta zerbitzu publiko gisa ulertzen baita. Espainia oso ongi dago kokatuta huraxe globalizazioaren eta krisi ekonomikoaren testuinguruan garatzeak dakartzan erronkei erantzuteko.
Krisia aukera bikaina da gizarte osoarentzat eta, zehazki, kulturaren sektore profesional eta enpresarialentzat, azken bosturtekoetan gidatu gaituzten ereduak birplanteatzeko eta etorkizuneko erantzukizunak zehazteko.
Aldi berean, modu autokritikoan onartu behar dugu kulturgintzak, egitez edo ez-egitez, gure herriari hainbeste kalte egin dioten burbuilei egiten dien ekarpena, gai larriei erantzuten jakin ez izateagatik.
Giza Eskubideen Adierazpen Unibertsala
Giza Eskubideen Adierazpen Unibertsala agiria mugarria da giza eskubideen historian.
Aurrekari juridiko eta kultural desberdinak dituzten munduko eskualde guztietako ordezkariek egina, Adierazpena Nazio Batuen Parisko Batzar Nagusiak aldarrikatu zuen 1948ko abenduaren 10ean (217 A ebazpena (III)), herri eta nazio guztiendako ideal gisa.
Adierazpenak mundu osoan babestu behar diren oinarrizko giza eskubideak ezarri zituen lehen aldiz, eta 500 hizkuntza baino gehiagotara itzuli da. Giza eskubideei buruzko hirurogeita hamar itun baino gehiago onartzeko bidea inspiratu eta erraztu izanagatik aitortzen da zabal Giza eskubideen Adierazpen Unibertsala, gaur egun mundu eta eskualde mailan modu iraunkorrean aplikatzen baitira (guztiek dituzte hari buruzko aipamenak hitzaurreetan).
Garapen Jasangarrirako 2030 Agenda
NBEren Batzar Nagusiak Garapen Jasangarrirako 2030 Agenda onetsi zuen, hots, pertsonen, planetaren eta oparotasunaren aldeko ekintza plana da, eta bake unibertsala eta justizia indartzeko asmoa ere badu.
Nazio Batuetako estatu kideek ebazpen bat onetsi zuten, gaur egungo munduko erronkarik handiena pobrezia desagerraraztea dela aitortzeko, eta hori lortu gabe garapen jasangarririk ezin dela egon aldarrikatzeko.
Agendak 17 helburu proposatu ditu, ekonomia, gizarte eta ingurumen arloak barne hartzen dituzten 169 helmuga bateratu eta zatiezinekin.
Estrategia berriak munduko garapen programak arautuko ditu datozen 15 urtean. Estrategia onartuz, estatuek konpromisoa hartu zuten hura ezartzeko behar ziren bitartekoak lortzeko, batez ere pobreenen eta ahulenen beharretan oinarritutako aliantzen bidez.
UNESCOk kultur aniztasunari buruz egindako adierazpena
Batzar Nagusiak,,
Atxikimendua berretsiz Giza Eskubideen Adierazpen Unibertsalean eta unibertsalki aitortutako beste tresna juridiko batzuetan aldarrikatutako giza eskubideen eta oinarrizko askatasunen erabateko gauzapenari, hala nola 1966ko Nazioarteko bi Itunak, eskubide zibil eta politikoei buruzkoa bata, eta eskubide ekonomiko, sozial eta kulturalei buruzkoa bestea,
Gogoratuz UNESCOren Kosntituzioaren Hitzaurrean honako hau esaten dela: “(...) justiziaren, askatasunaren eta bakearen aldeko gizateriaren kultura eta hezkuntza zabaltzea ezinbestekoa dela gizakiaren duintasunerako, eta betebehar sakratua direla, nazio guztiek erantzukizunez eta elkarri laguntzeko espirituarekin bete behar dutena”.
2/2023 Legegintzako Foru Dekretua, maiatzaren 24koa
Zeinaren bidez onesten baita fundazioen eta irabazi-asmorik gabeko bestelako entitateen zerga-araubide bereziko xedapenen eta mezenasgorako zerga-pizgarrien testu bategina.
639/2021 Errege Dekretua, uztailaren 27koa
Artistaren Estatutua garatzeko Ministerio arteko Batzordea sortu eta arautzen duena.
Legeak:
Bazkidetzaren abantailak
Nafarroako kultur kudeatzaileak ordezkatzen dituen profesionalen sareko kidea izateak hainbat abantaila ekarriko dizkizu, eta zure lanbidea modu eraginkorragoan garatzeko aukera izanen duzu.
Egunean mantenduko zara
kultur kudeaketako gaien gainean: iritzi artikuluak, prestakuntza ikastaroak (mintegiak, hitzaldiak, jardunaldiak, ekipamenduak bisitatzea), sektorearekin lotutako albisteak, jardueren agendak, ekipamenduak, etab.
Aukera izanen duzu
lanbide trukaketak egiteko Elkarteko gainerako kideekin.
Deskontuak ikastaroetan,
mintegietan eta biltzarretan, hots, Elkarteak antolatutakoetan.
Kultur produktuen gaineko
programazio jardunaldietara joateko parada.