Hitzarmena Nafarroako Gobernuarekin

Jarduketa Planak

Urteko memoriak

Urteko memoriei buruzko dokumentuak

Actas

Kuna – NUKF lankidetza protokoloa

Kunak lankidetza-protokolo bat egin du Nafarroako Udal eta Kontzejuen Federazioarekin (NUKF).

Protokoloaren helburua lankidetzan aritzea da Nafarroako toki kulturaren esparruan interes komuneko gaietan, bi entitateen arteko lankidetzarako jarduera esparru orokor bat ezarriz, besteak beste, honako lan ildo hauek garatzeko:

• Nafarroako Gobernuak toki entitateen esparrurako  sustatzen dituen kultur jarduera eta politikak baloratu, aztertu eta haien gaineko proposamenak egitea, hala nola udal kultur jardueren sustapena eta laguntza; kulturako udal programetarako dirulaguntza deialdiak; horrelakoak ahalbidetuko dituzten aurrekontu egokiak; edo udal kultur kudeatzaileak kontratatzeko aurrekontu lerroak.
• Kulturako profesionalaren profila eta lanpostuak nahiz ordezkapenak betetzeko edota, lizitazioak, etab. egiteko hautapen-prozedurak hobetzea.
• Toki erakundeek kultur kudeatzaile lanpostuak betetzeko edo kontratatzeko egiten dituzten hautapen-prozesuetan laguntzea.
• Urteko prestakuntza ekintza bateratuak zehaztea teknikarientzat, NUKFk kudeatzen duen tokiko langileen Prestakuntza Etengaberako Planaren baitan.
• Aholkularitza profesionala ematea hala eskatzen duten erakunde publikoei, kultur kudeaketako planak edo proiektuak abian jartzeko, langileak kontratatzeko edo lehiaketak eta lizitazioak egiteko.

Gure ustez, garrantzi handiko ekintza da gure erakundearentzat, eta lagungarria izanen da kultur kudeatzailearen lanbidea aitortzeko, gizartean duintzeko eta erregularizatzeko.